У шэрагу славутых імёнаў

 29 студзеня на абанементе цэнтралізаванай раённай бібліятэкі прайшоў агляд кніжнай выставы ”У шэрагу славутых імёнаў“, прысвечанай юбілею выдатных беларускіх пісьменнікаў Івана Пятровіча Шамякіна і Івана Паўлавіча Мележа, якім спаўняецца 105 год з дня нараджэння. Мерапрыемства праходзіла ў рамках праекта ”Моладзі аб літаратуры — учора і сёння“.
 Былі запрошаны навучэнцы  восьмага класа ДУА ”Сярэдняя школа №2 г. Бешанковічы імя Героя Савецкага Саюза Міхаіла Мікалаевіча Ткачэнкі“.
 На выставе школьнікі пазнаёміліся з жыццём і творчасцю выдатных беларускіх пісьменнікаў, даведаліся, які вялікі ўклад яны ўнеслі ў літаратуру і гісторыю краіны.
 У лёсе гэтых двух літаратараў нямала агульнага: Шамякін і Мележ — пісьменнікі-рэалісты. Абодва да вайны атрымалі поўную сярэднюю адукацыю, іх юнацкасць была апалена вайной. Пісаць пачалі да вайны і ўвайшлі ў вялікую літаратуру ў першыя пасляваенныя гады. Яны пакінулі пасля сябе беларускія эпапеі: Іван Мележ — легендарную ”Палескую хроніку“ (”Людзі на балоце“, ”Дыханне навальніцы“, ”Завеі. Снежань“), а Іван Шамякін — пенталогію ”Трывожнае шчасце“, раманы ”Сэрца на далоні“ і ”Вазьму твой боль“.
 Гэтых пісьменнікаў ўжо няма з намі, але яны сталі захавальнікамі беларускай культуры і мовы — у чым і складаецца найважнейшая функцыя сапраўднага пісьменніка.