«Распавядае Уладзімір Ягоўдзік»

   Ульская  сельская  бiблiятэка запрасіла сваіх чытачоў на выставу-прагляд «Распавядае Уладзімір Ягоўдзік». Выстава прымеркавана да 65-годдзя з дня нараджэння вядомага дзіцячага пісьменніка, аўтара шматлікіх цікавых кніжак аб прыродзе, птушках, жывёлах.
    
  Уладзімір Іванавіч - аматар і знаўца роднай прыроды. З вялікай павагай адносіцца ён да ўсяго жывога і заклікае да гэтага сваіх чытачоў.
  Трэба адзначыць, што новыя творы пісьменніка выходзяць у серыі «Скарбы Радзімы». Серыя заснавана ў 2008 годзе і адрасавана дзецям, падлеткам, а таксама дарослым, якія занепакоены станам роднай прыроды. Кнігі гэтай серыі насычаны малюнкамі і фотаздымкамі, легендамі і вершамі беларускіх пісьменнікаў.