"Слуцкія паясы"

Ад родных ніў, ад роднай хаты

У панскі двор дзеля красы

Яны, бяздольныя, узяты

Ткаць залатыя паясы…

  Гэтыя радкі з верша М. Багдановіча “Слуцкія ткачыхі” далі пачатак падарожжу ў гісторыю слуцкіх паясоў, якое прайшло 15 лістапада ў дзіцячай раённай бібліятэцы.

 Падчас мерапрыемства дзеці даведаліся шмат цікавага аб часе, калі князі Радзівілы заснавалі мануфактуру ў Слуцку для вырабу паясоў, на якія віды яны падзяляліся, з якіх нітак вырабляліся і якую мелі даўжыню, арнамент, колер. Цікава было і тое, што паясы завязвалі на той ці іншы бок у залежнасці ад жыццёвых абставін. Пяцікласнікі даведаліся, дзе зараз захоўваюцца паясы і яшчэ атрымалі шмат цікавай інфармацыі на гэту тэму.

 Выстава, на якой былі прадстаўлены кнігі і сучасныя тканыя паясы з Бешанковіцкага Дома рамёстваў, зацікавіла дзяцей.