«Святая асветніца Белай Русі»

 3 чэрвеня   Вярхоўская сельская бібліятэка запрасіла сваіх чытачоў на вусны часопіс  «Святая асветніца  Белай Русі». Сустрэча прысвечана адной беларускай асветніцы, той, што ўпрыгожыла нашу Беларусь высокімі духоўнымі і маральнымі подзвігамі, якая з’яўляецца сімвалам праведнасці, шчырай набожнасці, узорам самаадданага служэння свайму народу, Бацькаўшчыне.
 Еўфрасіння Полацкая прызнана заступніцай зямлі беларускай. Можа дзякуючы ёй наш беларускі народ, нягледзячы на ўсе цяжкасці і выпрабаванні, што дасылае яму час, застаецца ў большасці сваёй дружалюбным, міралюбівым і чулым да чужой бяды.

Сілай духоўнай узвысіла Полацк высока.
Тым, хто імкнуўся да кнігі, свяціла, як зорка…
Мове, адзінай дзяржаве
Шчэ толькі злучацца –
Свет нас прымаў як народ
Па адной палачанцы.

Д.Бічэль-Загнетава

   Напрыканцы мерапрыемства бібліятэкар пазнаёміла прысутных з кніжнай выставай «Нябесная апякунка Беларусі» . 

Г.М.Курмель.